• ជួយលើកកម្ពស់ជីវភាព និងមជ្ឈដ្ឋានរស់នៅរបស់ប្រជាពលរដ្ឋនៅតាមបណ្តាទីក្រុង។
• ជួយពង្រឹង និងលើកកម្ពស់រូបភាពនៅតាមបណ្តាទីក្រុងនៅទូទាំព្រះរាជាណាចក្រកម្ពុជា។
• ជាឧបករណ៍ផ្សព្វផ្សាយ”សេវាកម្មបៃតង”។
• ចូលរួមការការពារ និងលើកកម្ពស់បរិស្ថាន។
• ពង្រឹង និងអភិវឌ្ឍន៍សេដ្ឋកិច្ចនៅតាមបណ្តាទីក្រុង។
• ធ្វើឲ្យមានសមភាពក្នុងសង្គម ពិសេសការកាត់បន្ថយភាពក្រីក្រតាមរយៈវិស័យទេសចរណ៍ដោយជំរុញ និងពង្រីកលំហូរភ្ញៀវទេសចរណ៍ទៅគ្រប់តំបន់នៃព្រះរាជាណាចក្រកម្ពុជា។

• ១) សូចនាករគោលនៃការរៀបចំ និងគ្រប់គ្រងបរិស្ថាន
• ២) សូចនាករគោលនៃភាពស្អាត
• ៣) សូចនាករគោលនៃការគ្រប់គ្រងសំណល់
• ៤) សូចនាករគោល នៃការបញ្រ្ជាបការយល់ដឹង
• ៥) សូចនាករគោលនៃតំបន់បៃតង នឹងខ្សែក្រវាត់បៃតង
• ៦) សូចនាករគោលនៃសុវត្ថិភាពសុខភាពសាធារណៈ សន្តិសុខ និងសណ្តាប់ធ្នាប់ទីក្រុង
• ៧) សូចនាករគោលនៃហេដ្ឋារចនាសម្ព័ន្ធ និងសម្បទាទេសចរណ៍

ដែលត្រូវបានបែងចែកជាសូចនាករលម្អិតចំនួន ៤១ និងត្រូវបានដាក់ពិន្ទុតាមលក្ខណ-វិនិច្ឆ័យ ចំនួន ១១៣(ស្មើរនឹង ១២០ពិន្ទុ) សម្រាប់ធ្វើការវាយតម្លៃ និងសម្រេចផ្តល់ជ័យលាភីជូនទីក្រុង -ខណ្ឌបេក្ខភាព។

គ.ជ.វ.ទ. មានសិទ្ធិធ្វើការស្នើសុំទៅរាជរដ្ឋាភិបាលដើម្បីធ្វើការផ្លាស់ប្ដូរ ឬដកហូតឡាបិលទីប្រជុំជនស្អាតភ្លាមៗពីទីក្រុង-ខណ្ឌជ័យលាភី ឬក្នុងរយៈពេលកំណត់ណាមួយ ដោយធ្វើការជូនដំណឹងជាមុន។

ការផ្លាស់ប្ដូរ ឬការដកហូតឡាបិល ទីក្រុស្អាតធ្វើឡើងដោយផ្អែកលើភាពមិនប្រក្រតី ដែលនាំឱ្យមានការប៉ះពាល់ដល់លក្ខណវិនិច្ឆ័យដែលបានកំណត់ក្នុងស្តង់ដាទីប្រជុំជនស្អាត។

គ.ជ.វ.ទ. នឹងធ្វើការជូនដំណឹងដល់ទីក្រុង-ខណ្ឌជ័លាភីនៅពេលដែល គ.ជ.វ.ទ. ពិនិត្យឃើញថាលក្ខណ-វិនិច្ឆ័យ ដែលធ្លាប់បំពេញបានមាន ការប្រែប្រួលនឹងផ្ទុយពីការកំណត់ក្នុងទីប្រជុំជនស្អាត។

ក្រោយទទួលបានសេចក្ដីជូនដំណឹង ពី គ.ជ.វ.ទ. ទីក្រុង-ខណ្ឌជ័លាភីត្រូវ រៀបចំវិធានការជាបន្ទាន់ក្នុងការកែលម្អ។ ករណីមិនអនុវត្តតាម គ.ជ.វ.ទ. នឹងធ្វើការស្នើសុំទៅរាជ-រដ្ឋាភិបាលដើម្បីផ្លាស់ប្ដូរ ឬដកហូតឡាបិលទីប្រជុំជនស្អាតពីទីក្រុង-ខណ្ឌទាំងនោះ។